Fra Herdalsetra
I år er det 50-årsjubileum for ungdommeleg seterdrift i Grøvudalen, og det vil vi feire! Det blir utvida program under årets Grøvuhelg den 26.-28. juli.
Fredag blir det årsmøte i Grøvudalslaget (ei støtteforening for dalen og setra, årsmøtet er opent for alle), samt mat og mimring for alle som har hatt noko med setra og dalen å gjere dei siste 50 åra.
Laurdag blir det guida tur i dalen, gratis konsert med Øystein Sandbukt og Lone Eines, boklansering av Tor Helge Gravem si nye bok om Grøvudalen, og kurs i polsdans frå Nordmøre med Silje Osnes og Rune Hanes. I kveldinga blir det som vanleg sal av rømmegraut rett frå ostegryta, samt bål, musikk og dans på setervollen inn i dei seine nattetimar. Sjå vedlagd invitasjon for fleire detaljar.
Vi retter ein spesiell invitasjon til alle som har hatt noko med setra og dalen å gjere dei siste 50 åra, og vonar så mange som muleg har tid og lyst til å ta turen til seters denne helga. Men merk at alt program er gratis og opent for alle, og at alle er hjarteleg velkomne. Dette arrangementet passar for både store og små!